বগৰীৰ চুপাৰ বাউল

বগৰীৰ দেউতাকে তাহাঁতৰ ডাঙৰ টি-ভিটো নি গেৰেজত লগোৱা দেখি বগৰীয়ে সুধিলে, “আজি আমি চিনেমা চাম নেকি? “

 লগে লগে দুবৰিয়ে ক’লে, “ধেইৎ, তুমি পাহৰিলাই, আজি চুপাৰ বাউল নহয় নেকি?“

“অ’, য়েই, আজি ফৰ্টি নাইনাৰৰ খেল আছে, সিহঁত এইবাৰ জিকিবই“ - বগৰীয়ে জপিয়াই উঠিল৷

বগৰীয়ে ফুটবলটো লৈ দৌৰিয়ে থাকিল৷ লগতে তাৰ বাইকৰ হেলমেটটোও পিন্ধি ললে৷ এবাৰ মাকৰ আগেদি, এবাৰ দেউতাকৰ কাষেদি গৈ একেবাৰে ভিতৰৰ কাৰ্পেটখনত চুচৰি দিয়ে৷ 

মাকে বাৰে বাৰে তাক কৈ আছে, “ইমান দৌৰি নাথাকিবা, অলপ শুই লোৱা, নহ’লে ৰাতিকৈ টোপনি ধৰিব“

 সি একা বেকা কৈ গোটেই ডিফেণ্ডাৰবোৰৰ মাজেদি দৌৰিবলৈ আৰম্ভ কৰিলে৷ এটা এটাকৈ তাহাঁতক পাচ পেলাই সি দৌৰি গ’ল৷ তাক ধৰিবলৈ গোটেই  ডিফেণ্ডাৰবোৰে খেদি আছে৷ বগৰীয়ে একা বেকাকৈ দৌৰি আছে, এখন হাতেৰে বলটো জোৰেৰে ধৰি আছে, আজি সি টাচ ডাউন কৰিবই৷